2026 жылғы 23 ақпанда Республиқалық заң консультанттары алқасының құрамына кіретін (РЗКА) Ақмола заң консультанттары палатасының мұшелері Г.С.Сайдалина мен В.Г.Ломакин "AMANAT" партиясының және Ақмола өңірлік «Әділетті және Прогрессивті Қазақстанның Халықтық Конституциясы үшін» жалпыұлттық коалициясы штабының мүшелерімен Степногорск қаласының Мәдениет сарайының қызметкерлерімен кездесуге қатысты.
Кездесуге Қазақстан Республикасы Парламенті Мәжілісінің депутаты Альберт Рау қатысты.
Заң кеңесшісі Г.С. Сайдалина өз сөзінде жаңа жобаның орталық идеясы ретінде білім мен ғылым, мәдениет пен инновация анықталғанын атап өтті. Бұл мемлекеттің болашағы минералды ресурстар мен табиғи байлықтармен емес, адами капиталмен және азаматтардың жетістіктерімен анықталатынын көрсететін түбегейлі маңызды бетбұрыс. Өнер және мәдениет қайраткерлері үшін Конституцияның жаңа жобасы шығармашылық еркіндігі мәдениеттің құндылығын мемлекеттік танумен және оны сақтау міндетімен үйлесетін неғұрлым тұрақты және болжамды құқықтық орта жасайды. Бұл креативті индустрияларды, қоғамдық мәдени бастамаларды және мемлекет пен шығармашылық қоғамдастық арасындағы диалогты дамыту мүмкіндіктерін күшейтеді.
Мәдениет сарайының ұжымы талқылауға белсенді қатысып, өз пікірлері мен ұсыныстарын айтты, кездесу сындарлы және іскерлік жағдайда өтті, әрбір азаматтың қоғамдық маңызды процестерге қатысуының маңыздылығын атап өтті.
